الانسان دائما يا أخوان مستعجل مايعطي عقله وقت للتفكير

مستعجل في أمور كثيره سواء اذا كان يطلب شي او في اصدار

الحكم وأخذ القرارات

موضوعي معكم في هذا القسم واللي هو اول مشاركه لي في قسم النقاش الجاد

بيكون خاص بالاعضاء الجدد والاوائل طبعا

يقول الرسول صلى الله عليه وسلم

الارواح جنود مجنده ما تقارب منها أئتلف وما تباعد منها أختلف

صدق رسول الله عليه الصلاة والسلام

العضو ياأخوان اذا ماحس بأرتياح أكيد مابيطول قي اي موقع

المنتديات تضم اعضاء متفاوتين في مستواهم التعليمي وفي أعمارهم

هههههه طبعا بتقولون هذا عارفينه وش تبي توصله ياسلطان؟

اللي ابي اوصله ان الاعضاء الجدد يجب اعطاهم قدر كبير من الاهميه

تشجيعهم مساندتهم اختيار الكلمات الطيبه اللي تعمل رابط اخوي بين العضو
والمجموعه

انا رايح أكون صريح معكم وانا دائما احب التعامل من هذا الاتجاه




انا شخص يعشق الشعر الي حد كبير جدا أهتم بالقصايد لاني اعيش فيها


اذا تكلمت مع عضو او عضوه بالمنتدى سواء يطريقتي بالردود
او بأي شي أنا والله أتعامل مع الجميع دون استثناء بنقس المشاعر

بعض الاخوات سببوا لي أحراجات بمفاهيم مالها اساس

وبعض الاخوان فهم قصايدي بشكل غلط واخذها عداوه

ولوا أنهم اعطوا انفسهم وقت للتفكير كان اتضح مايلي

اولا اللي اعتقد انه المقصود بماورد في قصيده واخذها عداوة
ما أعرفه ولا أعرف عنه الا نك موجود مختفي خلفه شخص الله أعلم من يكون

كيف اهاجمه واتعمد تجريحه كذا من الباب للشباك ؟

مستحيل طبعا

الاخت اللي اخذت بعض ردودي او قصايدي انه تلميح وكلام فاضي

كيف صار ... وكيف اعجب بمن لا أعرف ؟

بعدين اذا بدور حب وين اودي اللي بقلبي ؟؟!

اعطيها اجازه كم يوم ههههههههه



انا للأمانه واصحابي القريبين مني يعلمون ان حتى المسن ما أستخدمه


الغرور والكبرياء ما أحب اتعامل بها ولا أحب اكون صديق لمغرورين


الشي الثاني يالغالين توقيع العضوا يدل على شخصيته


يجب ان يتضمن كلام طيب لأنه بيمر على عدد كبير من الناس

بعطيكم مثال

شفت توقيع لعضوه في موقع ما تقول

أنا عايشه بترف وأنت بقرف لو أتف عليك لك الشرف.


الله يتف في وجه ابليس ههههههههههه

بالله هذا التوقيع يدل على انسانه ماخذه الثانويه او جامعيه متعلمه وفاهمه

سؤالي



ركزوا في السؤال



ماهي الطريقه الصحيحه للتعامل مع الاعضاء الجدد؟ وهل تكوين مجموعات يخدم الموقع؟