هديتي لك ياحنان الوفا ابيات
غلفتها بعنوان نبض الكتابه


ومضمونها اسلوبي بحبك الروايات
مادونة بسم الطلب والاجـــــابه


منها خلاصة تجربه عشتها اوقات
تأليف سلطان القصيد بكتابه


شرح اختلاف اقلوب عشق ومحطات
وحال اختلاف اهل الهوا والتشابه


قلب ن صدوق وطيب بصدق نيات
فرح العشق في طلته وحتفابه


سكنه بعلى منزله والثقه اثبات
وخلاه مضرب للمثل يحتذابه



وقلبن تحير مايعرف اتجاهات
ضيع دلايل مادرى ايش جابه



كل الدروب اعطته نفس العلامات
بين الامل واليأس يشكي عذابه



وقلبن لعوب ويعكس لصاحبه ذات
ابغضبه حبه رغم قوة خطابه



يبي قلوب تعشقه بعض حزات
ولاملها بالمكر يكشف كذابه



وقلبن مقفل بين روحه وجيات
مغرم بجمع المال حتى الصبابه



يبي قلوب اهل الثرا بس بسكات
وكاره غرام اللي يسموا غلابه



هذا بعض ماشفت ودركت لحظات
وعذرت من بالحب ضيع صوابه



واليوم اقول لكل عاشق سلامات
من لاعرف بمصابهم كيف يابه



وسلامتك

شعر سلطان القصيد