راعي العقل يحتاج وقفه مع الذات

ويشوف كم هو كان صايب ومخطي


العمر مركب واليالي ممرات

البحر بحري والنهايات شطي


صحيح الاقي الحزن ضعف المسرات

وقداري اللي حاكمه دوم خطي


الواقع اغرانا بكثر الملذات

البعض منها جد والبعض خرطي


العقل طاع النفس كسب الخسارات

وكل المكاسب للأسف ماتغطي


تبغاني اوصفلك حياتك بكلمات

دنيا تشيلك حلم تالي توطي



قصة حياتك حلم مثل الحكايات

والموت يقظه والخواتيم شرطي



شعــــــر سلطان القصيــــد