حبيبتي كل العواذل تشابه
قلبي انظلم وجهي اشبه للأصحاب
لا من غدالك صاحب(ن) ينحكابه
لا تسمعي انك لك قلب واحباب
الى مشيت الدرب يلهث ساربه
والى سكنت الدار ناداني الباب
وشلون انام وهم قلبي صوابه
والشوك ينبت بين جفنين واهداب
تعبت امني الاسئله بالأجابه
وانطر شروق الشمس والشمس بغياب
وتعبت اناظر والمعنى عذابه
انك بعيده والملا دونك احجاب
اجمع كلام ولا اعرف الكتابه
وعندي شعور صدق والوقت كذاب
كل النجوم الى امطرت من سحابه
حبيبتي دمعك جرح قلب وتراب
واللي وقف مابين بابي وبابه
قلبه ظلم ولابس(ن) ثوب الأصحاب



نقل / تناهيت نجد