السلام عليكم ورحمة الله وبركاته ..
وددت مشاركتم اليوم بعضاً من القصائد التي تعجبني بالشعر الشعبي .. على أمل أن تحوز على رضاكم ..،
البداية مع مهندس الكلمة بدر بن عبدالمحسن وقصيدة " لليل أحبك "
لليل احبك مابقى في السما نور
والى ضواني الليل .. للصبح أحبك
واللحظة اللي كلها عناد وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك
قصيدة أخرى للمهندس بعنوان " نامت الشمس "
نامت الشمس .. واستيقظ عناي
حال دون الكرى طيف(ن) ضوى
ساعة أقبل .. نطحته من عماي
وصحت يا سيدي .. طال النوى
أحسب انك معي .. ليتك معاي
يوم ضميت بيديني الهوى !
يا بعيد(ن) عليه انزف دماي
لاقضى الصبر .. ولا الشوق ارتوى
نبتة الدم .. تورق في حشاي
من سببها ترى حالي ذوى
وين أنادي ومن يسمع نداي
صرختي فيك .. وسكوتي سوى
نكمل مع الشاعر المبدع مساعد الرشيدي وقصيدة " صوتك اللي بقالي " من أجمل ماقرأت لهذا الشاعر الأصيل
صوتك اللي بقالي من ليالينا
عاد لو غاب صوتك ويش يبقالي
صوتك الموج والمجداف والمينا
صوتك الناس لوني في خلا خالي
صوتك الذكريات اللي اتدفينا
كل ماهل شفت العيد يبدالي
صوتك بعيد مثل البعد يطوينا
صوتك اغليه ... صوتك يابعد حالي
من غروب الكلام لشرق اسامينا
ياحبيبه وصوتك عندي الغالي
سولفي ... لعنبو هــمٍ يبكينا
انت اقصى مدى الهقوات والتالي
مالها حد شرهتنا وامانينا
والمسافات قشرى مالها والي
يقبل الليل لامرفأ ولامينا
عاد لو غاب صوتك ويش يبقالي
وختامها مسك مع شاعر الغربة الشاعر سليمان المانع وقصيدة " العالم المجهول "
العالم المجهول وش دخلك فيه
ردي ترى ماني للأشواق تمثال
دامي بقايا إنسان ليه اشتريتيه
ودامي طفل من علمك عشق الاطفال
لاتخجليني في كلام المشاريه
ولاتقتليني بالمواعظ والأمثال
انا الجنون بروعته وبمباديه
يشقيك دربٍ معاندي كلما طال
وانا الذي لو عذبك مافهمتيه
عشت اغتراب الحب .. شاعر ورحال
قولي خيالي ياخيالي وأقول إيه
طبعي قبل لاأعرف طريقك .. ولا زال
اما اهجري ليل الغرام ومساريه
والا اقبليني مثل ماني بهالحال
قلبي عذاب مصارع الوقت يكفيه
وبعض الحكي من بيننا عيب ينقال
ختاماًَ أتمنى أن يعجبكم الموضوع واختياراتي
دمتم بأجمل حال
الإهداءات
03-05-2010, 01:57 AM
روائع الشعر الشعبي وأجمل ماقرأت لكبار الشعّار ! 
العرض الشجري