ياهلي قلب من الفرقاء خطير
اثر مجروح الهوى ماله دواء
من يخبرني جزاه الله بخير
عن عشير(ن) غاب عني وانثواء
التواء قلب(ن) مثلي عسير
لو بغيته قيل لي مالك لواء
في غرامه قادني سلك الحرير
اشتكى قلبي فراقه وانطواء
يدعج العين ملهوف الضمير
المولع لو تصبر ماقواء
المحبه للكبير ولصغير
شف يدينك كان اصابعها سواء
ياحبيبي ماتجير المستجير
ارحم اللي شرب حبك وارتواء
عن هوى غير تراني مستخير
قاطع(ن) الياس والحبل انطواء
غصن بان لاطويل ولاقصير
ويتمايل كل ماهب الهواء



نقل / تناهيت نجد